ఏపీకి తెలంగాణ సీఎం

తెలంగాణ ముఖ్యమంత్రి కేసీఆర్ రేపు ఆంధ్రప్రదేశ్‌కు వెళ్లనున్నారు. విశాఖలోని చినముషిడివాడలో గల శారదా పీఠాన్ని ఆయన సందర్శించనున్నారు. ఆదివారం ఉదయం 10గంటలకు బేగంపేట విమానాశ్రయం నుంచి ప్రత్యేక విమానంలో బయలుదేరి విశాఖ చేరుకుంటారు. శారదా పీఠం వెళ్లి అక్కడి రాజశ్యామల ఆలయంలో ప్రత్యేక పూజలు చేసి పీఠాధిపతి స్వరూపానందేంద్ర సరస్వతి ఆశీస్సులు తీసుకుంటారు. ఇటీవల జరిగిన తెలంగాణ ఎన్నికల్లో తెలంగాణ రాష్ట్ర సమితి ఘనవిజయం సాధించిన సంగతి తెలిసిందే. ఆ తర్వాత నిర్వహించిన ప్రెస్‌మీట్‌లో కేసీఆర్ మాట్లాడుతూ.. ఏపీ సీఎం చంద్రబాబుకు తెలంగాణ విషయంలో వేలు పెడుతున్నట్లే.. తాము కూడా ఏపీ ఎన్నికల్లో కలగజేసుకుంటామని, చంద్రబాబుకు రిటర్న్ గిఫ్ట్ ఇస్తామని అన్నారు. ఏపీలో ఎవరైనా వచ్చి ప్రచారం చేసుకోవచ్చని.. కేసీఆర్‌ను సాదరంగా ఆహ్వానిస్తామని చంద్రబాబు సైతం సానుకూలంగా స్పందించారు.

Loading…