చరిత్ర అంటే మాది.. కానీ తిరగరాయలేం: బాలకృష్ణ

నాన్నగారి జీవితం గురించి చెప్పాలంటే సినిమాలు కేవలం రెండు బాగాలు సరిపోవని, కేవలం కొన్ని విషయాల్ని ప్రస్తావిస్తూ యన్‌.టి.ఆర్‌ మూవీ తీశామన్నారు నటసింహం నందమూరి బాలకృష్ణ. ఎంతో కష్టపడితే ఈ సినిమా పూర్తయింది, అయితే ఇలా అందరి బయోపిక్‌లు తీయడం కష్టమన్నారు. నువ్వు ఎవరని నన్ను అడిగితే తెలుగువాడినని చెబుతాను, అయినా నువ్వు ఎవరని ప్రశ్నిస్తే ఎన్టీఆర్‌ అభిమానినని గర్వంగా చెబుతానని పేర్కొన్నారు బాలయ్య. చరిత్ర అంటే మాది. దాన్ని సృష్టించాంటే మేమే.. తిరగరాయాలన్న మేమే.. అనేది మూవీ డైలాగ్‌ కానీ చరిత్రను సృష్టించవచ్చు. కానీ మేం తిరగరాయం. మార్టిన్‌ లూథర్‌ జూనియర్‌ చెప్పిన మాటలు గుర్తున్నాయా. చరిత్ర అంటే మనం అనుసరించేది.. చరిత్ర మనల్ని సృష్టిస్తుంది అన్నారు. ఆయన వ్యాఖ్యలు నిజం కాదని ఇద్దరంటే ఇద్దరూ నిరూపించారు.
ఒకరేమో ప్రాచీన ఆంధ్ర చరిత్ర సృష్టికర్త గౌతమీపుత్ర శాతకర్ణి, మరొకరు ఆధునిక ఆంధ్ర చరిత్ర సృష్టికర్త ఎన్టీఆర్‌. ఇప్పటివరకూ నాన్నగారు చేయని పాత్రలు ఏమైనా చేశారా… చేయాలనుకుంటున్నారా అని అడుగుతుంటారు. ఒకటేమో నారదుడు, మరోపాత్ర గౌతమీపుత్ర శాతకర్ణి నాన్నగారు చేయనివి చేశానని గర్వంగా చెప్పుకునేవాణ్ని. కానీ నేడు ఏకంగా ఆయన నిజ జీవిత పాత్రలోనే నటించానని’ బాలయ్య హర్షం వ్యక్తం చేశారు. నా పాజిటీవ్‌ ఎనర్జీ ఎన్టీఆర్‌. ఉదయం మూడున్నర నాలుగు గంటలకే నిద్రలేచేవాణ్ని. నందమూరి వారసుడిగా పుట్టటం నా పూర్వజన్మ సుకృతం. నేను హైదరాబాద్‌లో పెరిగాను. నాన్నగారితో పరిచయం నాకు చుట్టపుచూపు లాంటిదే. అక్కాచెల్లెళ్లు ఆయనతో ఉన్నారు. వాస్తవానికి ఈ కార్యక్రమం నాన్న ఎన్టీఆర్‌గారి సొంతూరు నిమ్మకూరులో చేయాలనుకున్నాం. కానీ కొన్ని కారణాల వల్ల అక్కడ నిర్వహించలేకపోయాని’ వివరించారు బాలకృష్ణ.

Loading…