[X] Close
indion_news_banner_1 indion_news_banner_2 indion_news_banner_3
Home » రాజకీయాలు » జ‌గ‌న్ రెడ్డి కాదు : టీడీపీ ఎంపీ జేసీ దివాకర్ రెడ్డి

జ‌గ‌న్ రెడ్డి కాదు : టీడీపీ ఎంపీ జేసీ దివాకర్ రెడ్డి

jc diwakar reddy vs jagan

ఒక న్యూస్ ఛానెల్‌కు ఇచ్చిన ఇంట‌ర్వ్యూలో జేసీ దివాకర్ రెడ్డి… వైకాపా అధినేత జగన్ పై సంచలన వ్యాఖ్యలు చేసారు. జగన్ హండ్రెడ్ పర్సెంట్ రెడ్డి కాదని, క్రిస్టియన్ అని టీడీపీ ఎంపీ జేసీ విమర్శించారు. ఈ సంద‌ర్భంగా జేసీ మాట్లాడుతూ తాను నిఖార్స‌యిన రెడ్డి కులానికి చెందిన వ్యక్తినని… ఈ విష‌యాన్ని తాను ధైర్యంగా ఒప్పుకుంటున్నానని అన్నారు. ఇదే టైంలో వైఎస్.జ‌గ‌న్ ‘రెడ్డి’ ఎలా అవుతాడ‌ని…ఆయ‌న ఓ క్రిస్టియ‌న్ అంటూ జేసీ వ్యాఖ్యలు చేశారు. అలాగే ర‌ఘువీరారెడ్డి కూడా రెడ్డి కాద‌న్నారు.

అలాగే ఈ 21వ శతాబ్దంలో, రేపోమాపో చంద్రుడిపై కాపురాలు పెట్టనున్న పరిస్థితుల్లో ఇంకా కులానికి అంత ప్రాధాన్యత ఇవ్వడమనేది అస్సలు కరెక్టు కాదని త‌న అభిప్రాయంగా చెప్పారు. ఎవ‌రికి అయినా కులంపై అభిమానం అనేది మ‌న‌స్సులో మాత్ర‌మే ఉండాల‌ని… అయితే, రాజకీయాల్లో కులం అస్త్రం పనికిరాదని, అది వారినే నాశనం చేస్తుందని చెప్పుకొచ్చారు.

కాంగ్రెస్ పార్టీ ఓడిపోతుందని తాను పార్టీ మారలేదని.. ఆ పార్టీ చచ్చిపోయిందని, కుళ్లి కంపుకొడుతోందని సంచలన వ్యాఖ్యలు చేశారు. టీడీపీలో తనకు దక్కాల్సినంత గౌరవం దక్కుతోందని జేసీ అన్నారు.

Loading...
[X] Close